Y Tŵr

Ein nod yw i ailddatblygu ac ail-agor Y Tŵr fel gwesty, tafarn, bwyty a chanolbwynt ar gyfer pob math o wasanaethau a gweithgareddau cymunedol.

Adeiladwyd Y Tŵr yn 1875 ac mae’n sefyll mewn lleoliad canolog ac amlwg ar y stryd fawr. Bu’r adeilad unwaith yn ganolbwynt prysur – gwesty, bwyty, bar ac ystafell i gynnal digwyddiadau cymdeithasol. Crewyd atgofion a datblygwyd syniadau cyffrous yn yr adeilad hwn. Credwn y gallai Y Tŵr unwaith eto ddod yn ganolbwynt cymunedol bywiog a fyddai’n rhoi bywyd newydd i’r dref ac yn helpu i adfer y stryd fawr.

Yn dilyn codi’r blaendal sefydlwyd is grwpiau.

Treuliodd y Grŵp Adeiladu amser yn Y Tŵr yn creu cynlluniau adeiladu a cynlluniau llawr, a’r weledigaeth o botensial yr adeilad.

Bu’r Grŵp Busnes yn ymchwilio i gynlluniau grantiau a chyfranddaliadau ac yna cychwyn ar y broses o ymgeisio am grantiau.

Bu’r Grŵp Hyrwyddo yn creu tudalennau cyfryngau cymdeithasol, a gwefan newydd. Cynhaliwyd cystadlaethau, holiadur, a trafodwyd cynlluniau codi arian ar gyfer y fenter.

Rydym yn falch o gyhoeddi bod Menter Y Tŵr yn rhan o brosiect ‘Gwella Pwllheli’ gan Gyngor Gwynedd. Rydym yn hynod gyffrous fod cydweithio wedi cychwyn efo’r Ecoamgueddfa gyda’r gobaith y gall Y Tŵr gael ei gynnwys fel Hwb ar fap yr Ecoamgueddfa.